Estoril Open. Kasper Ruud faoliyatidagi 10-sovrinini qo'lga kiritdi

Bugun dunyoning to'rtinchi raketkasiga aylangan Kasper hal qiluvchi final uchrashuvida reytingning 40-pog'onasida borgan serbiyalik Miomir Kechmanovichni mag'lubiyatga uchratdi - 6/2, 7/6(3).

Tennischilarning o'zaro uchrashuvlaridagi hisob muvozanati tiklandi - 2:2. Bir yuz sakkiz daqiqa davom etgan bahsda Ruud 3, Kechmanovich 1 ta eys zarbani amalga oshirgan. 

SHu tariqa, norvegiyalik tennischi mavsumdagi birinchi, faoliyatidagi 10-sovrinini qo'lga kiritdi. Millennium Estoril Open turniridagi muvaffaqiyatli ishtirok Ruudga 250 reyting ochkosi hamda 85,605 evro mukofot puli keltirdi.