06 apr 13:13
Yangiliklar

Tennis

Estoril Open. Kasper Ruud g'alaba bilan boshladi

Portugaliyaning Eshtoril shahrida tennis bo'yicha ATP turniri davom etmoqda.

Dunyoning beshinchi raketkasi Kasper Ruud musobaqadagi ishtirokini g'alaba bilan boshlab oldi. Norvegiyalik tennischi ikkinchi davra uchrashuvida ATP reytingida 147-pog'onani egallab turgan portugaliyalik Joao Sousadan ustun keldi - 4/6, 6/2, 6/2.

Ikki soatu 14 daqiqa davom etgan bahsda Ruud ham, Sousa ham 4 tadan eys zarbasini amalga oshirgan. Endi Kasper Millennium Estoril Open turnirining 1/4 finalida argentinalik Sebastyan Baesga qarshi kortga chiqadi. Baes o'z o'rnida vatandoshi Pedro Kachindan 6/4, 7/6(2) hisobida ustun keldi.