Farg'ona shahrida ko'p tarmoqli sport majmuasi foydalanishga topshirildi

Tadbirda Farg'ona viloyati hokimi o'rinbosari F. Qosimov, Farg'ona shahar hokimi H. Habibiddinov va boshqalar mamlakatimizda olib borilayotgan keng miqyosli islohotlarda sog'lom va barkamol yosh avlodni tarbiyalash, jismoniy tarbiya va sportni rivojlantirishga alohida etibor qaratilayotganligini takidladi. 

Xususan, 2019-2023 yillarda jismoniy tarbiya va ommaviy sportni rivojlantirish koncepciyasi bunda muhim ahamiyat kasb etayotir. Joylarda yangi sport obektlari ishga tushirilib, yoshlar sog'lom turmush tarziga faol jalb etilmoqda. Professional sportchilarning mashg'ulotlar o'tkazishi, mahoratini muntazam oshirib borishi uchun zarur sharoit yaratilmoqda.

Davlatimiz rahbari tomonidan mamlakatimizda tatbiq etilgan 5 ta muhim tashabbusning biri bo'lgan yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratish yangicha tizimda amalga oshirilmoqda. Barcha hududlarida, hatto eng olis qishloqlarda ham zamonaviy va foydalanish uchun qulay sport infratuzilmasi barpo etilmoqda. Bu yilning o'zida Farg'ona viloyatida 60 dan ziyod sport maskanlari qurilib, foydalanishga topshirildi. Natijada sport bilan doimiy shug'ullanadiganlar soni ikki barobar ko'paydi.Eng muhimi, yoshlarimiz orasida nufuzli sport musobaqalari, jahon chempionatlarining g'olib va sovrindorlari etishib chiqmoqda. Bugungi kunda viloyat sportchilaridan 2020 yil Tokioda bo'lib o'tadigan XXXII yozgi Olimpiya va XVI Paralimpiya o'yinlarida ishtirok etishi kutilayotgan 37 nafar nomzod sportchilar ro'yxati shakllantirildi.

Farg'ona shahri markazida yangi ish boshlagan ko'p tarmoqli zamonaviy sport majmuasi ham yoshlar va sportchilarga katta tuhfa bo'ldi. Mazkur sport majmuasi 2 yil davomida qurib bitkazildi. Marg'ilon shahridagi “426-xo'jaliklararo ixtisoslashgan ko'chma mexanizaciyalashgan kolonna” masuliyati cheklangan jamiyati quruvchilari tomonidan bu erda sportning yakka kurashlari turlariga ixtisoslashtirilgan 4 ta zal va 4 ming o'rinlik katta arena barpo etildi. Buning uchun Bolalar sportini rivojlantirish jamg'armasidan 40 milliard 356 million so'm mablag' sarflandi.

Majmua yil davomida sportning turli yo'nalishlari bilan shug'ullanish, respublika va yirik xalqaro musobaqalar o'tkazish, yuksak malakali sportchilarni tayyorlash va eng asosiysi yoshlarimizni ommaviy sport turlariga keng jalb etishga xizmat qiladi. Bu erda erkin kurash, boks, badiiy gimastika kabi sport to'garaklarida yoshlar muntazam shug'ullanishni boshlashdi.