Farg'ona viloyatida badiiy gimnastika bo'yicha eng yaxshilar saralandi

Farg'ona viloyatidagi qiz bolalar o'rtasida sog'lom turmush tarzini shakllantirish, yoshlar, aholi o'rtasida sportning ommaviylashtirish, olimpiya turlarini rivojlantirish, o'quvchi-yoshlarni, keng aholini jismoniy tarbiya va sport mashg'ulotlariga doimiy ravishda jalb etish, shuningdek, yuqori toifali sportchilarni tanlab olish maqsadida “8 mart – Xalqaro xotin-qizlar” bayramiga bag'ishlangan “Nafosat go'zali” shiori ostida badiiy gimnastika bo'yicha 2008-2012 yillarda tug'ilgan qizlar o'rtasida viloyat birinchiligi musobaqasi o'tkazildi.

Mazkur musobaqa viloyat gimnastikaga ixtisoslashtirilgan bolalar-o'smirlar sport maktabining sport zalida bo'lib o'tdi.“Nafosat go'zali” shiori ostida sportning badiiy gimnastika turi bo'yicha 2008-2012 yillarda tug'ilgan qizlar o'rtasida o'tkazilgan viloyat birchiligiga jami 120 dan ortiq sportchi qizlar ishtirok etdi.

Musobaqada faxrli o'rinlarni egallagan sportchi qizlar Farg'ona viloyati Jismoniy tarbiya va sport boshqarmasining diplomi hamda esdalik sovg'alari bilan taqdirlandi.