Federaciya rahbariyati dzyudochilar bilan uchrashdi FOTOREPORTAJ

O'zbekiston erkaklar terma jamoasi 21-30 iyun kunlari Antaliya, Nellya Kiyamova murabbiyligidagi qizlarimiz esa aynan shu sanalarda Slovakiyada yig'in o'tkazishadi. Keyin 1-7 iyul kunlari Xorvatiyada har ikki terma jamoamiz uchun navbatdagi o'quv-mashg'ulot yig'ini tashkil etiladi. Olimpiadaga so'nggi tayyorgarlik esa 11-19 iyul sanalarida bevosita Yaponiya (Maydzuru) davlatida o'tkaziladi. 

Terma jamoamiz delegaciyasi safarga jo'nab ketish oldidan O'zbekiston dzyudo federaciyasida yig'ilish o'tkazildi. Unda O'zbekiston Milliy olimpiya qo'mitasi raisi o'rinbosari, mamlakat dzyudo federaciyasi raisi Azizjon Kamilov, rais o'rinbosarlari Alisher Narbaev, Zafar Mamajonov, terma jamoa bosh murabbiyi Ilias Iliadis, dzyuyudochilar va ularning shaxsiy murabbiylari ishtirok etdi. 

Federaciya rahbariyati oldinda turgan uchta xorij yig'inining dzyudochilarimiz uchun qanday ahamiyatga ega ekani, katta masuliyat va talabchanlik bilan yondashish lozimligini uqtirishdi. SHu bilan birga kutilmagan jarohatlardan saqlanish kerakligi ham aytildi.  

O'z o'rnida bosh murabbiy hamda dzyudochilar davlatimiz rahbari va xalqimiz bildirayotgan ishonch, ular kutayotgan natijani qayd etish uchun bor imkoniyatlarini ishga solishlarini takidladilar.