Fedor Emelyanenko Roy Jons bilan ehtimoliy jang haqida gapirdi

Eslatib o'tamiz, avvalroq Jons Emelyanenkoga ko'rgazmali jang o'tkazishni taklif qilgandi.

«Men uni buyuk sportchi, afsonaviy inson sifatida juda hurmat qilaman. U barcha davrlarning eng ko'zga ko'ringan bokschilaridan biri. Albatta, bunday jangda chiqish men uchun katta sharaf bo'lardi. Men bunday janglarga va Roy kabi raqiblar bilan jang qilishga qiziqaman. Buni qilish uchun bizga promoushen kerak va biz shartlarni muhokama qilishimiz zarur.

Men Bellator'dan tashqarida ham jang qila olaman. Ammo faqat Rossiyada. Rossiyadan tashqarida jang qilishga haqqim yo'q. Menda eksklyuziv bo'lmagan shartnoma bor.

Men formadaman, har qanday jangni tashkillashtirishingiz mumkin. Menimcha, Royning to'liq jangga tayyor ekanligi haqiqat emas. Ehtimol, biz zarbalarga to'liq etibor qaratmasmiz. Kuchli zarbalarsiz ham Roy qodir bo'lgan barcha usullarini ko'rsatishi mumkin.

Agar bu ish sodir bo'ladigan bo'lsa, men haqiqatdan ham tayyorlanaman. Mening tayyorgarligim shunchaki bo'lmaydi. Ehtimol, zarbaga 100 foiz etibor qaratmasman, lekin harakat tezligim yuqori bo'ladi. Roy kabi. Katta ehtimol bilan urg'u berilgan zarbalar bo'lmaydi va bu ko'rgazma jangi bo'ladi», - deya Emelyanenkodan iqtibos keltiradi TACC.