Feliks Oje Bazelda chempionlik unvonini himoya qildi

Swiss Indoors Basel turnirining bosh sovrini uchun amaldagi chempion Feliks Oje dunyoning 11-raketkasi, polshalik Xubert Gurkachga qarshi kortga chiqdi. Reytingning 19-pog'onasidan joy olib kelgan kanadalik iqtidor egasi ushbu bahsni tay-breklarda o'z foydasiga hal qildi - 7/6(5), 7/6(5). 

Oje tennischilarning o'zaro uchrashuvlaridagi g'alabasini mustahkamladi - 3:1. Besh daqiqasi kam ikki soat davom etgan bahsda Oje 5, Gurkach 3 ta eys zarbasini amalga oshirgan. Qo'shxatolar bir xilda bo'ldi - 2 tadan. Feliks 4, Xubert 1 ta breykka erishgan. 

SHu tariqa, kanadalik tennischi o'tgan yilgi chempionlik unvonini muvaffaqiyatli himoya qildi. Bu uning faoliyatidagi beshinchi ATP chempionlik sovrini bo'ldi. Bazeldagi bir haftalik mehnatidan u 410,660 evro mukofot puli hamda 500 reyting ochkosi ishlab oldi.