20 mar 13:51
Yangiliklar

Karate

FOTO. Rotterdamda O'zbekiston va Butunjahon karate federaciyasi rahbarlari uchrashdi

Xabar berganimizdek, kecha Gollandiyaning Rotterdam shahrida karate bo'yicha nufuzli Gran-pri turniri o'tkazilib, unda hamyurtimiz Sadriddin Saymatov -60 kg vazn toifasida oltin medalni qo'lga kiritgan edi.

Musobaqa doirasida O'zbekiston karate milliy federaciyasi rahbari Alamjon Mullaev hamda Butunjahon karate federaciyasi prezidenti Antonio Espinoza o'rtasida uchrashuv bo'lib o'tdi.

Uchrashuv chog'ida O'zbekiston karate milliy federaciyasi sportchilarining yaqin 2 yil davomida Butunjahon karate federaciyasi shafeligida o'tkaziladigan xalqaro musobaqalardagi ishtiroki va boshqa ko'plab masalalar muhokama qilindi.

Malumot uchun, karatening aynan mana shu WKF yo'nalishi o'tgan yili to'rt yillikning eng nufuzli musobaqasi oilasiga qabul qilindi. 2020 yili Tokio mezbonlik qiladigan Olimpiadada ilk bor karate bo'yicha medallar o'ynaladi.