FOTO SHohjahon Ergashev Sabriel Matiasga: "Ringda uchrashganimizda uxlab qolasan"

Aslida IBF har ikki bokschining promouterlariga jang o'tkazish uchun 25 avgustga qadar muddat bergan edi. Ammo Ergashev oyog'idagi jarohati sabab chempionlik bahsidan oldin o'rtada bitta jang o'tkazib olish uchun ruxsat so'radi. Matias esa bu vaziyatda keyingi jangini Sergey Lipinecga qarshi o'tkazadigan bo'ldi. 

Voqealar rivoji o'zgarib ketgach, ikkala bokschi Instagram sahifasida aytishib olishdi. Hujumni birinchi bo'lib Puerto-Riko sharafini himoya qilib kelayotgan Sabriel boshladi. U hamyurtimizning rekordini uning "lichkasi"ga jo'natib, kulgu va ensa qotar smayliklarni qo'shimcha qildi. Kamiga o'rta barmog'ini ham ko'rsatgan. Ergashev tabiiyki, bu qo'polikkni javobsiz qoldirmadi.  

SHohjahon: Ringda uchrashganimizda uxlab qolasan. O'sha payt uxlayotganingda etarlicha vaqting bo'ladi.

Sabriel: O'zingni bos, buni sinab ko'rish uchun o'zingda vaqt bo'ladi. Ringda sening qanday qochib yurganingni ko'raman. 

SHohjahon: CHuqur uyquga ketishingdan oldin, barcha yaqinlaring bilan xayrlashib olishni maslahat beraman.