28 iyu 14:43
Yangiliklar

Dzyudo

Franciya tarkibni elon qildi, dzyudo afsonasi Riner Toshkentga keladi + FOTO

Xabaringiz bor, 6-13 oktyabr kunlari Toshkent shahri O'zbekiston dzyudosi tarixida ilk bor kattalar o'rtasidagi jahon chempionatiga mezbonlik qiladi.

Musobaqa medallari uchun asosiy davogarlardan biri Franciya terma jamoasi poytaxtimizga keladigan tarkibini oshkor qildi va etiborlisi, undan dzyudo afsonasi Teddi Riner ham joy olgan. 204 sm bo'yga ega Riner Olimpiadaning 3 ta oltin, 2 ta bronza, jahon chempionatining 11 ta oltin, 1 ta kumush, 1 ta bronza medalini qo'lga kiritgan. Besh karra Evropa chempioni hisoblanadi.

Qizig'i, hamyurtimiz Abdulla Tangriev Pekin-2008 Olimpiadasining 1/2 finalida aynan Teddi Rinerni mag'lub etib, finalga yo'l olgandi. Yakunda Abdulla kumush, Riner esa bronza medali bilan taqdirlangan edi.