Frensis Ngannu UFC'dagi kelajagi haqida gapirdi

"Meni uzoq vaqtdan beri ushbu tashkilotdagi kelajagim qiziqtiradi va hozircha hech narsa o'zgarmadi - mening poziciyam o'zgarishsiz qolmoqda", - dedi Ngannu UFC 270 turniridan keyingi matbuot anjumanida.

"Bu faqat pul haqida emas. Pul muammoning faqat bir qismidir. Men shartnoma shartlariga qo'shilmayman – bu adolatdan emas, deb o'ylayman. O'zimni erkin odamdek his qilolmayman. Afsuski, men bu haqda gapirishim kerak bo'lgan holatdaman, lekin mening talablarim adolatli ekanligiga ishonaman va adolatli kelishuvni xohlayman”.

Agar UFC bilan tuzilgan yangi shartnoma shartlari uni qoniqtirmasa, Ngannu joriy yilning oxirigacha (uning g'alabasi munosabati bilan avtomatik ravishda tashkilot bilan amaldagi kelishuvi yangilanadigan muddat tugaguniga qadar) bo'sh bo'lishga tayyor.

"Ha, dekabrda shartnoma baribir tugaydi. Men bu borada hech qanday muammo ko'rmayapman. So'nggi uch yil ichida men uchta jang o'tkazdim, shuning uchun men uchun kutilmagan narsa yo'q.

"Yirtqich" Gan bilan bo'lib o'tgan jangda g'alaba qozonganidan so'ng nega chempionlik kamarini UFC prezidenti Dana Uayt emas, balki tashkilotning asosiy matchmeykeri Mik Meynard topshirgani haqidagi savolga ham javob berdi.

"Umuman xabarim yo'q. Bu mening talabim emas edi, shuning uchun siz buni undan so'rashingiz kerak. Mening bunga aloqam yo'q. Bu uning qarori",-dedi Ngannu.

Eslatib o'tamiz, Dana Uayt jurnalistlar unga bu savolni bera olmasligi, shuningdek, og'ir vazn toifasining tashkilot bilan tuzgan shartnomasi bo'yicha vaziyatga oydinlik kirita olmasligi uchun ananaviy matbuot anjumanini bekor qilgan edi.