Gimnastikachilarimiz Belarusdagi xalqaro turnirda muvaffaqiyatli ishtirok etishdi

Musobaqada mezbon Belorussiya, Ukraina, Rossiya va Litva jamoalari bilan bir qatorda o'zbekistonlik gimnastikachilar ham o'z imkoniyatlarini sinovdan o'tkazishdi. Aytish kerakki, O'zbekiston kattalar va o'smirlar terma jamoasi ushbu musobaqada muvaffaqiyatli ishtirok etdi.

Turnirda jamoamiz azolari o'z chiqishlari bilan bir nechta yo'nalishda g'olib va sovrindorlar qatoridan joy olib, jami bo'lib 15ta medalga ega chiqishdi.

Erkaklar terma jamoamiz azolari 5ta oltin, 3ta kumush va 4ta bronza medallarini qo'lga kiritdi.

Abdulla Azimov ot mashqi yo'nalishida o'z chiqishi bilan shohsupaning eng yuqori pog'onasidan joy olgan bo'lsa, Xabibullo Ergashev brus yo'nalishida bajargan mashqi uchun oltin medalga loyiq ko'rildi. Huddi shu yo'nalishda Abdulla Azimov ikkinchi bo'ldi. Turnik mashqlarida Xabibullo Ergashev yana bir medalni qo'lga kiritdi. Bu safar u shohsupaning uchinchi pog'onasidan joy oldi. Ko'pkurashda bu ikki sportchimiz musobaqaning finalchilariga aylanishdi.

O'smirlar orasida ko'pkurash bahslarida mamlakatimiz sharafini himoya qilgan O'tkirbek Jo'raev kumush medalni qo'lga kiritdi.

Alohida snaryaddagi finallarda ham sportchilarimiz shohsupaga ko'tarilishdi:

Erkin mashqlar

Fayoziddin Mamatqulov - 1 o'rin

Ot-mashqi

Humoyun Islomov - 3-o'rin

Halqa mashqi

Fayoziddin Mamatqulov - 2-o'rin

Tayanib sakrash

Humoyun Islomov - 3-o'rin

Brus

O'tkirbek Jo'raev - 1-o'rin

Fayoziddin Mamatqulov - 3-o'rin

Turnik mashqi

O'tkirbek Jo'raev - 1-o'rin

Gimnastikachi qizlarimizdan Dildora Aripova tayanib sakrash mashqlarida ikkinchi, erkin mashqlarda esa uchinchi o'rinni egallab kumush va bronza medalini qo'lga kiritishdi. Xoda mashqlarida ishtirok etgan Omina Xalilova bronza medali bilan taqdirlandi.