04 mar 09:01
Yangiliklar

Dzyudo

"Grand Slam Tashkent-2021". Bugun qura va tarozi marosimlari o'tkaziladi

Nihoyat, intiqlik ila kutilgan kunlar etib keldi. Ertaga poytaxtimizdagi "Humo" arena saroyida dzyudo bo'yicha Toshkent "Katta Dubulg'a" turniri boshlanadi.

Sovrin jamg'armasi 154 000 dollarni tashkil etuvchi nufuzli musobaqada sayyoramizning 5 qitasi, 71 davlatidan jami 497 (296 erkak, 201 ayol) nafar dzyudochi turnir medallari hamda Tokio Olimpiadasi yo'llanmalari yo'lidagi muhim reyting ochkolari uchun tatamiga chiqadi. Bugun ham ishtirokchilarning tashrifi davom etadi.

Reja bo'yicha bugun soat 13:30da Wyndham Tashkent mehmonxonasida turnirga qura tashlash marosimi o'tkaziladi. Ushbu tadbir onlayn tarzda amalga oshiriladi. SHuningdek, bugun musobaqaning birinchi kuni tatamiga chiqadigan dzyudochilarni tarozidan o'tkazish marosimi ham tashkil etiladi.