Guskovga yagona mag'lubiyatini taqdim etgan O'zdemir 16 oyga diskvalifikaciya qilindi

Asli kelib chiqishi turkiyalik, hozirda SHveycariya sharafini himoya qilayotgan Volkan tashkilotning dopingga qarshi siyosatini buzgani uchun o'n olti oyga diskvalifikaciya qilindi.

36 yoshli aralash yakkakurash ustasi o'zining chetlatilishi haqida ijtimoiy tarmoqda gapirib, eritropoetin gormonini istemol qilganini tan oldi.

"Men to'pig'imdagi operaciyadan keyin tiklandim. SHifokor meni bu preparat xavfsiz ekanligi va doping nazoratida aniqlanmasligiga ishontirdi. O'sha kuni kechqurun birinchi inekciyani qildim. Bu mening qarorim va hayotimdagi eng katta xatom edi. Men masuliyatni to'liq o'z zimmamga olaman. Har bir sportchi o'z organizmiga nima tushayotganiga javob beradi. Men o'z sportimga, muxlislarimga va o'zimga pand berdim", - deb yozdi O'zdemir ijtimoiy tarmoqda.

Volkanning so'zlariga ko'ra, fevral oyida topshirilgan doping testi ijobiy natija berganidan so'ng, u darhol qoidabuzarlikni tan olgan va UFC va antidoping tashkilotlari bilan hamkorlik qila boshlagan. SHu boisdan ham diskvalifikaciya muddati 16 oyga qisqartirilgan.

Eritropoetin buyraklar tomonidan ishlab chiqariladi va qizil qon tanachalari hosil bo'lishini rag'batlantiradi, sportda esa eng mashhur doping preparatlaridan biri hisoblanadi, chunki u qonning kislorodni tashish qobiliyatini oshiradi, shunga mos ravishda chidamlilikni yaxshilaydi va tiklanishni tezlashtiradi.

Malumot uchun, Volkan O'zdemir so'nggi jangini o'tgan yilning noyabr oyida Qatarda bo'lib o'tgan UFC turnirida o'tkazgan va birinchi raunddayoq Alonso Menifildni nokautga uchratgan edi.