Hakamlar attestaciyadan o'tkazildi FOTOREPORTAJ

Qoraqalpog'iston Respublikasi, Toshkent shahri va 10 ta viloyatdan jami 29 (25 erkak, 4 ayol) nafar hakam ro'yxatdan o'tgan bo'lib, ularning bari poytaxtda jam bo'lishdi. Faqat Namangan va Farg'ona viloyatini hisobga olmaganda, barcha hududlardan ushbu attestaciyaga hakamlar etib kelishdi. 

Kecha o'tkazilgan attestaciyaning birinchi bosqichida hakamlar xalqaro qoidalar hamda musobaqalarda ishlatiladigan yapon terminologiyasi bo'yicha imtihon topshirishdi. Kunning ikkinchi yarmida tatamida amaliy mashg'ulot o'tkazildi. Har bir hakam bilet tanlash orqali yapon tilidagi usullarni amaliy tarzda ko'rsatib berishdi. 

Attestaciyada qatnashgan 29 hakamdan 22 nafari imtihonni muvaffaqiyatli topshirdi, ularga maxsus sertifikatlar taqdim etildi. Endi ular O'zbekiston chempionatida hakamlik qilishadi. Aynan mamlakat chempionati attestaciyaning ikkinchi bosqich vazifasini o'tab beradi. Unda hakamlarning bevosita tatamidagi ishiga baho beriladi. 

O'zbekiston chempionati yakunida 15 nafar hakam saralab olinadi. Bu referilar barcha yosh toifasidagi mamlakat birinchiliklarida hakamlik qilish huquqini qo'lga kiritadilar. Federaciya hakamlar orasidan eng istedodlilarini IJF akademiyasidagi o'qishga tayyorlab boradi.