Harbiylar o'rtasidagi Jahon chempionatiga tayyorgarlik muhokama qilindi

Xalqaro sport kengashininig (CISM) dzyudo bo'yicha sport komissiyasi prezidenti general Farshad Najafipur hamda uning yordamchisi Hamid Rizo Muhammad harbiylar o'rtasida bo'lib o'tadigan XXXXII Jahon chempionatiga tayyorgarlik jarayonini kuzatish uchun mamlakatimizga tashrif buyurdi. 

Mehmonlar O'zbekiston dzyudo federaciyasida tashkil etilgan brifingda qatnashishdi. Uchrashuv chog'ida Mudofaa vaziri o'rinbosari polkovnik Alisher Norboev, O'zbekiston dzyudo federaciyasi bosh kotibi Aziz Sobirov, rais o'rinbosari Zafar Qahramonov mamlakatimizda jahon chempionatiga olib borilayotgan tayyorgarlik ishlari bo'yicha atroflicha malumot berishdi. 

O'z navbatida eronlik mehmonlar O'zbekistonda dzyudoga davlat miqyosida qaratilayotgan etibor tufayli o'zbek sportchilari dunyo arenalarida olamshumul yutuqlarni qo'lga kiritayotganini takidlagan holda bu zaminda o'tkaziladigan har qanday xalqaro musobaqa yuksak darajada tashkillashtirilishiga ishonch bildirishdi.

SHundan so'ng mehmonlar Jahon chempionati ishtirokchilari yashaydigan mehmonxona, mashg'ulot arenasi hamda dzyudo federaciyasining faoliyati bilan yaqindan tanishdilar. General Farshad Najafipur tatamida dzyudo sir-asrorlarini o'rganayotgan yoshlar harakatlarini kuzatdi. 

Kelajakda ular orasidan Davlat Bobonov, Alisher Yusupov, Diyora Keldiyorova, Gulnoza Matniyozova kabi nomdor sportchilar etshib chiqishiga tilak bildirib, esdalik uchun suratga tushdi.