01 apr 21:22
Yangiliklar

Tennis

Humoyun Sultonov Franciyadagi turnir finaliga chiqdi

Franciyaning Sen-Dize shahrida tennis bo'yicha ITF M25 toifasiga kiruvchi turnir o'zining hal qiluvchi pallasiga kirdi.

Ushbu musobaqada hamyurtimiz Humoyun Sultonov ham muvaffaqiyatli tarzda ishtirok etyapti. Uchinchi raqam ostida tasniflangan tennischimiz biroz avval final chiptasini qo'lga kiritdi. Sultonov murosasiz kechgan 1/2 final uchrashuvida mezbonlar vakili Lukas Pullaynni 3/6, 6/2, tay-brekda 7/6(9/7) hisoblarida mag'lubiyatga uchratdi.

Taqqoslash uchun, Sultonov ATP reytingida 461, turnirda oltinchi raqam ostida harakat qilgan Lukas esa 558-o'rinni egallab turibdi. Humoyunning bosh sovrin uchun kechadigan bahsdagi raqibi ayni daqiqalarda davom etayotgan Yannik Steynegger (SHveycariya) - Klement CHidex (Franciya) uchrashuvidan so'ng malum bo'ladi.