Humoyun Sultonov Quvaytda 1/2 finalga yo'l oldi

Mukofot jamg'armasi 25 000 AQSH dollarini tashkil etuvchi musobaqada hamyurtimiz Humoyun Sultonov ham muvaffaqiyatli odimlamoqda. Istedodli tennischimiz biroz avval yakuniga etgan 1/4 final uchrashuvida ATP reytingida 745-pog'onada borayotgan niderlandiyalik Sidan Pontyodikromoni 6/3, 6/2 hisobida mag'lubiyatga uchratdi.

Taqqoslash uchun, Sultonov ATP reytingida 491-o'rinni egallab turibdi.  Humoyun 1/6 finalda turnirning birinchi raketkasi, belgiyalik Filip Jianuga hech qanday imkoniyat qoldirmagandi - 6/2, 6/1. Endi u 1/2 finalda turkiyalik Erel yoki marokashlik Benchetritga qarshi kortga chiqadi.