17 okt 20:31
Yangiliklar

Boks/MMA

Husanxon Baratov professional boksda debyut qiladi + POSTER

19 oktyabr kuni Rossiyaning Perm shahrida Ural FC ligasi o'zining navbatdagi professional boks oqshomini o'tkazadi.

Ushbu janglar kechasida og'ir vazn toifasida o'zbekistonlik Husanxon Baratov professional boksdagi debyut jangini o'tkazadi. Hamyurtimizga o'sha kuni rossiyalik Aleksey Golub raqiblik qiladi. Jang 4 raund etib belgilangan.

Malumot uchun, Husanxon Baratov bungacha MMAda 6 ta jang o'tkazib, ularning 3 tasida g'alaba qozongan va 3 ta jangda mag'lub bo'lgan. SHuningdek, Husanxon havaskor boksda O'zbekiston chempionati ishtirokchisi, penchak-silat bo'yicha Jakarta-2018 Osiyo o'yinlari va Konya 2021 Islom birdamligi o'yinlari ishtirokchisi hisoblanadi.

Avvalroq, ushbu boks oqshomida yana bir hamyurtimiz — Bahromjon Fozilovning ringga chiqishi haqida xabar bergan edik.