25 iyu 14:53
Yangiliklar
![](/upload/storage/224309_220.jpg)
IBA yana Olimpiadaning licenzion turnirlarini tashkil etishdan chetlatildi
Bunga sabab sifatida yaqinda tashkilot prezidentligi uchun o'tkazilgan saylovlarda yo'l qo'yilgan harakatlar ko'rsatilgan.
May oyida ahloq qo'mitasi IBA prezidentligi uchun saylovda Umar Kremlyovning yagona raqobatchisi bo'lgan gollandiyalik Boris van der Vorstni jarayondan chetlatgandi. Keyinroq esa u chetlatish yuzasidan Sport arbitraj sudiga shikoyat qilgan va uning arizasi qanoatlantirilgandi.
Bunga javoban, IBA saylovlarni qayta tashkil etishga tayyorligini malum qilgan. 18 iyun kuni esa Parij Olimpiadasi uchun licenzion turnirlarni tashkil etish uchun nomzodlarni tanlash jarayoni boshlangandi. Biroq, XOQ IBAni tashkilot shafeligida o'tadigan licenzion turnirlardan chetlatdi.
"Parijdagi Olimpiya o'yinlarida boks musobaqalari IBA shafeligida o'tkazilmaydi, huddi saralash bahslari kabi. Boks sporti va boks oilasi manfaatlari yo'lida biz bahslarni IBA nazorati ostida o'tkazmaslikka qaror qildik. Biz boks bo'yicha licenzion musobaqalar qay tarzda o'tkazilishi bo'yicha hali bir qarorga kelmadik, lekin bahslar aniq IBA bilan birga o'tkazilmaydi", - dedi Xalqaro Olimpiya qo'mitasi sport direktori Kit Makkonnell.
Eslatib o'tamiz, Tokio Olimpiadasi va uning saralash bahslari ham XOQ nazorati ostida tashkil etilgandi.
Fikrlar