24 avg 12:58
Yangiliklar

Dzyudo

IBSA Jahon o'yinlari va IBSA dzyudo Jahon chempionatida yana 2 ta medal qo'lga kiritildi

Para dzyudochilarimiz IBSA Jahon o'yinlari va IBSA dzyudo Jahon chempionatida yana 2 ta medalga sazovor bo'lishdi.

Erkaklar o'rtasida J2 klassida -73 kg vazn toifasida hamyurtimiz Feruz Saidov final bahsini eronlik Vahid Jeddiga qarshi o'tkazdi. Afsuski, dzyudochimiz ushbu bellashuvda imkoniyatni boy berib, delegaciyamiz hisobiga kumush medalni yozdirib qo'ydi.

Ayollar o'rtasida J2 klassida -57 kg vazn toifasida finalda qatnashgan hamyurtimiz Kumushxon Xo'jaeva hal qiluvchi bellashuvda turkiyalik Zeyneb CHelikka mag'lub bo'ldi va kumush medalni qo'lga kiritdi.