“Ice City”da figurali uchish bo'yicha festival o'tkazildi

Jismoniy tarbiya va sport vazirligi, O'zbekiston yoshlar ittifoqi,qishki sport turlari associaciyasi, sportning qishki va murakkab texnik turlari bo'yicha Respublika oliy sport mahorati maktabi hamda “Ice City” sport-ko'ngilochar majmuasi bilan hamkorlikda tashkil etilgan ushbu festivalda qariyb 60 nafar o'smir va qizlar o'z mahoratini namoyish etdi.

Figurali uchish bo'yicha O'zbekiston chempionlari, ko'plab xalqaro turnirlarning g'olib va sovrindorlari ishtirokidagi badiiy chiqishlarni shu oqshom “Ice City” majmuasiga kelgan poytaxtimiz aholisi olqishlar bilan qarshi oldi. Festival yakunida har bir ishtirokchi tashkilotchilar tomonidan diplom va esdalik sovg'alari bilan taqdirlandi.