Iga Svyontek Niginadan so'ng Liuni ham mag'lub etdi

Sayyoramizning birinchi raqamli tennis malikasi Iga Svyontek o'z vatanidagi turnir bosh sovrini uchun asosiy davogar bo'lib turibdi. Polshalik tennischi ikkinchi davrada WTA reytingida 78-pog'onadan joy olgan amerikalik Kler Liuni ortiqcha qiyinchiliksiz mag'lubiyatga uchratdi - 6/2, 6/2. 

Tennischilarning o'zaro uchrashuvlaridagi hisob yanada yiriklashdi - 4:0. Bir soatu 37 daqiqa davom etgan bahsda ikkala tennischi ham bittadan eys zarbasini amalga oshirgan. Endi Svyontek yarim final chiptasi uchun chexiyalik Linda Noskovaga qarshi kortga chiqadi.