Ikki dzyudochimiz Tbilisi "Katta Dubulg'a" turniri finaliga yo'l oldi!

Quvonarlisi, bugungi kun janglarida ikki nafar dzyudochimiz finalga yo'l oldi. 

-60 kg vazn toifasida yurtimiz sharafini himoya qilayotgan Kemran Nurillaev musobaqa davomida Avstraliya, Marokash, Tojikiston va Rossiya vakillarini mag'lubiyatga uchratdi va finalga yo'l oldi. U kechki dastur janglarida oltin medal uchun gruziyalik Temur Nozadzega qarshi bahs yuritadi. 

Ushbu vazndagi boshqa bir sportchimiz SHarofiddin Lutfullaev esa ilk jangidayoq tojikistonlik raqibga imkoniyatni boy berib qo'ydi. 

-66 kg vazn toifasida bahslarda qatnashayotgan Sardor Nurillaev bahslarda Qozog'iston, Belgiya, Misr va Mo'g'uliston vakillarini taslim etib, finalga etib keldi. U kechki dasturda oltin medal uchun gruziyalik Vaja Margvelashviliga qarshi tatamiga chiqadi. 

Mazkur vazndagi boshqa bir hamyurtimiz Muhriddin Tilovov Belarus, Rossiya vakillarini mag'lubiyatga uchratdi. CHorak finalda esa moldovalik raqibga yutqazdi. Bronza medali uchun o'tish jangida esa gruziyalik polvonga imkoniyatni boy berib qo'ydi.