Ikki vaznda chempion bo'lgan Aleks Pereyra uchinchi vaznga o'tadimi?

U kuni kecha og'ir vaznning mashhur jangchilaridan biri Siril Gan bilan face to face marosimida yuzma-yuz kelgandi. 

"Ayni paytda bu mening rejalarimga kirmagan", - deya braziliyalikning so'zlarini keltiradi MMA Fighting. "O'zi yaqinda yarimog'ir vaznga o'tdim va hozir o'zimni juda yaxshi his qilyapman. Yarimog'ir vaznda chempion bo'ldim. Demak, to'g'ri yo'ldaman. SHunday ekan, yaqin orada vaznimni o'zgartirmayman. Hozir 36 yoshdaman. Agar tanam, ahmoq, sen boshqa yarimog'ir vaznda jang qila olmaysan" deb aytsa, shunda balki og'ir vaznga o'tarman".

Eslatib o'tamiz, Aleks Pereyra shu yilning aprel oyida o'rta vazn toifasidagi UFC kamarini boy bergandi. Revansh jangining ikkinchi raundida Israel Adesanya Pereyrani nokautga uchratgan edi. SHundan keyin braziliyalik yarimog'ir vazn toifasiga ko'tarildi va davogarlar jangida Yan Blaxovichni hakamlarning ayri qarori bilan g'alaba qozondi. O'tgan oyda esa u Irji Proxazkani texnik nokautga uchratib, yarimog'ir vazn chempioniga aylandi.

Aleksning navbatdagi raqibi ushbu divizionning sobiq chempioni Jamal Xill bo'lishi mumkin. SHuningdek, Magomed Ankalaev va Jonni Uoker o'rtasidagi jang g'olibi ham Pereyraning raqibiga aylanish ehtimoli bor. Ushbu davogarlar jangi 13 yanvar kuni Las-Vegas shahrida o'tkaziladigan UFC Fight Night 234 turnirining asosiy to'qnashuvi bo'ladi.