Ikki yunon-rum kurashchimiz Jahon chempionati medali uchun kurashadi

Xabar berganimizdek, kecha dunyo birinchiligida yunon-rum kurashchilar o'z ishtiroklarini boshlashdi. Kechagi bellashuvlarda gilamga chiqqan 4 hamyurtimizdan ikki nafari bronza medali uchun kurashish imkoniyatini saqab qoldi. 

-55 kg vazn toifasidagi yunon-rum kurashchimiz Alisher G'aniev xalqaro neytral sportchi maqomida qatnashayotgan rossiyalik Alibek Amirovni 8-0 hisobida engdi. Nimchorak finalda yaponiyalik kuchli raqibi Kohei Yamagiva 12-3 hisobida taslim etildi. CHorak finalda esa ozarbayjonlik Farid Sadihliga yutqazib qo'ydi. Bugun G'aniev bronza medali yo'lidagi o'tish bahsida kurashni davom ettiradi. Uning raqibi Vengriya va BAA vakillari o'rtasidagi bellashuvdan so'ng malum bo'ladi.  

-63 kg vazn toifasidagi kurashchimiz Husniddin Olimboev ilk davradayoq Ahmadrizo Nezhadga yutqazib qo'ydi. Eronlik sportchi finalga etib borgani uchun Olimboevda bronza medali uchun kurashish imkoniyati yuzaga keldi. Buning uchun u bugun avvaliga o'tish bahsida hindistonlik Sandipni mag'lub etishi talab etiladi. 

-77 kg vazndagi klassigimiz Azimjon Soatillaev chexiyalik Mixal Zelenkadan ustun keldi, ammo keyingi davrada ukrainalik Ruslan Abdievga yutqazib qo'ydi. -87 kg vaznda kurashgan  Abdulloh Abdumutallibov birinchi davradayoq estoniyalik Robin Uspenskidan engildi va jahon chempionatidagi ishtirokini yakunladi.