Ilon Mask Jorj Sent-Perrni tanladi

Endi Jorj Ilonga Facebook asoschisi Mark Cukerbergga qarshi kechadigan jangga tayyorgarlikda yordam beradi. 

"Ilon Mask, men sening muxlisingman. Cukerberg bilan bo'lib o'tadigan jangga tayyorgarlik ko'rishing uchun yordam bera olishimdan o'zimni baxtiyor his etyapman", - dedi kanadalik afsonaviy UFC jangchisi. 

"Yaxshi, kel buni birgalikda amalga oshiramiz!", - deya taklifga o'z javobini bergan Mask.

Milliarderlar ham o'zaro jang o'tkazish bo'yicha kelishib olishdi. Avvalroq Ilon Mask raqibini butun dunyo axborot makoni nazoratini qo'lga olish haqidagi fikriga qarshi chiqib, uni jangga chaqirgandi. 

Bu dahanaki jang UFC prezidenti Dana Uayt uchun ayni muddao bo'lgan edi. Katta ehtimol bilan Dana ushbu jangni UFC 300 turnirida amalga oshiradi. Oqshomning bitta pullik translyaciyasi 100 dollarni tashkil qiladi.