Indian-Uells. Elena Ribakina Iga Svyontekni mag'lub etib, "Masters" turniri finaliga chiqdi

Turnirning ikkinchi yarim final bahsida sayyoramizning birinchi raketkasi polshalik Iga Svyontek va WTA reytingida 10-o'rinni egallab turgan qozog'istonlik Elena Ribakina to'qnash keldi. 

Bir soatu 16 daqiqa davom etgan uchrashuvda Elena raqibasini 2 setda bir hil 6/2, 6/2 hisobida mag'lub etib, finalga yo'l oldi. Ushbu g'alaba orqali qozog'istonlik tennischi o'zaro uchrashuvlardagi hisobni tenglashtirdi, 1-1. 

 BNP Paribas Open turnirining finalida Ribakina beloruslik Arina Sobolenkoga qarshi bahs olib boradi. Bu ikki tennischi mavsumning dastlabki "Katta Dubulg'a" turniri - Australian Open finalida ham to'qnash kelgan va unda Arina g'alaba qozongandi.