Internetni "portlatgan" qozog'istonlik engil atletika go'zali: Yasmin Begalinova kim? (mutolaa uchun)

Oddiy musobaqa vaqtida olingan bir nechta suratlar sabab, u nafaqat Qozog'istonda, balki Evropa va Amerika internet segmentida ham mashhurlikka erishdi. Millionlab foydalanuvchilar uning tashqi ko'rinishi, sport uslubi va o'ziga xos imiji haqida fikr bildiryapti.

Virusli mashhurlik qanday boshlandi?

Barchasi engil atletika musobaqasida tushirilgan fotosuratlardan boshlandi. Yasminning suratlari avval Instagram, Threads va X (Twitter) platformalarida tarqaldi. Qisqa vaqt ichida ular millionlab marta ko'rildi. Ayrim xorijlik blogerlar hatto hazil tariqasida "Qozog'istonga ko'chib ketishga tayyormiz" degan mazmundagi postlarni ham yozishdi.

Internet foydalanuvchilari uning soch turmagi va tashqi ko'rinishini mashhur kompyuter o'yinlari qahramonlariga qiyoslab, turli fan-artlar yaratishni boshladi. Natijada sportchi bir necha kun ichida minglab yangi obunachilarga ega bo'ldi.

Yasmin Begalinova kim?

2007 yil 26 noyabrda tug'ilgan Yasmin Begalinova Qozog'istonning SHarqiy Qozog'iston viloyatidan. U engil atletika bilan professional darajada shug'ullanadi va asosan balandlikka sakrash hamda uzunlikka sakrash yo'nalishlarida ishtirok etadi. Tengrinews.kz malumotlariga ko'ra, Yasmin engil atletikaga atigi uch yil avval kirib kelgan. Undan oldin etti yil davomida basketbol bilan shug'ullangan. Qisqa vaqt ichida sport ustasi nomzodi darajasigacha etib borgan yosh sportchi hozirda xalqaro musobaqalarda qatnashishni o'zining asosiy maqsadi deb biladi.

Mashhurlik emas, Olimpiada orzusi

Kutilmagan internet mashhurligiga qaramay, Yasmin o'zining asosiy etiborini sportga qaratishini takidladi. Uning aytishicha, har bir mashg'ulotda o'zini kelajakda Olimpiya o'yinlarida mamlakat sharafini himoya qilayotgan holda tasavvur qiladi. 

SHuningdek, u sportdan tashqari moda va dizayn sohasiga ham qiziqadi. Bo'sh vaqtlarida liboslar tikish va turli dizayn g'oyalari ustida ishlashni yaxshi ko'radi. 

Internet yulduzi yoki kelajak chempioni?

Sport olamida ijtimoiy tarmoqlar orqali mashhurlikka erishgan sportchilar ko'p uchraydi. Biroq mutaxassislar fikricha, haqiqiy bahoni sportchining natijalari belgilaydi. Yasmin Begalinova hozircha o'zining sport faoliyati boshida turibdi. 

Internetdagi shov-shuv qancha davom etishidan qati nazar, Yasminning o'zi diqqat markazida qolishdan ko'ra, kelajakda xalqaro arenalarda yuqori natijalar qayd etishni maqsad qilganini ko'p bor takidlagan.