18 dek 14:33
Yangiliklar

Boks/MMA

Islam Maxachev Dana Uayt bilan suhbati nima haqida bo'lganini ochiqladi

Engil vaznda UFC chempioni Islam Maxachev tashkilot bosh direktori Dana Uayt bilan uning ofisida uchrashdi.

Rossiyalik aralash yakkakurash ustasi Dana bilan qanday mavzularda gaplashganini ochiqladi.

"Kecha Dana Uayt bilan uchrashdik. Uning ofisida birga tushlik qildik. Bu uchrashuvda nafaqat men, balki MMA olamining bugungi kuni haqida gaplashdik. Keyingi jangim bo'yicha hozircha hech narsa aniq emas. Yaqin kunlarda bu bo'yicha yangilik bo'lib qoladi", — dedi Maxachev UFC Eurasia matbuot xizmatiga bergan intervyusida.

Eslatib o'tamiz, Islam Maxachevning MMAdagi rekordi 25-1ni tashkil qilmoqda. U o'zining so'nggi jangini shu yilning 21 oktyabr kuni Abu-Dabi (BAA) shahrida tashkil etilgan UFC 294 turnirida o'tkazgan edi. O'shanda u chempion Aleksandr Volkanovskini birinchi raundning o'zida nokautga uchratgandi.