Islam Maxachevning raqiblari ikkitagacha qisqardi

Islamning navbatdagi jangi CHarlz Oliveyra yoki Jastin Getjiga qarshi o'tkaziladi. Bu haqda Maxachevning menejeri Rizvan Magomedov xabar berdi. Ikki jangchi UFC reytingida mos ravishda birinchi va ikkinchi o'rinlarni egallab turibdi.

"Raqib Jastin Getji yoki CHarlz Oliveyra bo'ladi. SHaxsan menga menejer va muxlis sifatida Getji bilan jang qiziqroq bo'lar edi. Keng ommaga ham bu jang qiziqarli bo'lishi aniq. Boisi, yangi bosqich va yangi chaqiriq. Oliveyraga qarshi jang birinchi tomonlama bo'ldi va buni hamma ko'rdi. CHarlz takroriy jangda ham Islam uchun muammo tug'dirmasa kerak. Getji bilan jangda bitta bo'lsa ham yangilik ko'ramiz", - dedi Magomedov.

SHu tariqa, yarimo'rta vaznda amaldagi UFC chempioni Leon Edvards Islamning ehtimoliy raqiblari ro'yxatidan chiqdi. Britaniyalik chempion UFC 300 turnirida Belal Muhammaddan kamarini himoya qiladi. SHuningdek, engil vazn reytingining to'rtinchi pog'onasidan joy olgan Arman Carukyan ham safdan chiqdi. Arman katta ehtimol bilan kuchli uchlikdagi jangchilarning biriga qarshi oktagonga ko'tariladi.