Ispaniya triatlon federaciyasi bilan hamkorlik memorandumi imzolandi

"O'zbekiston Triatlon Federaciyasi Ispaniya Triatlon Federaciyasi bilan hamkorlik memorandumi imzoladi! 

Bu biz uchun muhim xalqaro qadam: mazkur hamkorlik sportchilarni tayyorlash va musobaqalarni tashkil etishda amaliy hamkorlikni yo'lga qo'yish imkonini beradi. Ushbu sheriklik orqali tajriba almashish, natijalarni yaxshilash va o'zaro hamkorlikni mustahkamlashga erishamiz.

Memorandum asosida quyidagi amaliy qadamlar ko'zda tutilgan:

O'zbekiston o'smirlar terma jamoasi uchun Ispaniyada o'quv-mashg'ulot yig'inlari.

Ispaniya milliy jamoalari bilan bir muhitda, ispan murabbiylari rahbarligida va mutaxassislar ishtirokida tayyorgarlik olib borish.

Samarqandda qo'shma ishlar.

World Triathlon Championship Series Samarkand musobaqasini tayyorlash va o'tkazish jarayonida ispan tashkiliy jamoasi vakillarini qabul qilish.

Yirik musobaqalarda jamoamiz uchun amaliy tajriba.

Ispaniyada European Triathlon Championship (Tarragona) hamda World Triathlon Grand Final (Pontevedra) musobaqalarida O'zbekiston Triatlon Federaciyasi vakillarini tashkiliy jarayonlarda ishtirok etish uchun qabul qilish.

Bu hali boshlanishi xolos — memorandum ikki federaciya faoliyatini yanada kuchaytirish, sportchilarni rivojlantirish va musobaqalarimizni yanada professional darajaga olib chiqish uchun yangi qo'shma tashabbuslar asosini yaratadi", deyiladi tashkilot xabarida.