Israel Adesanyaning ehtimoliy raqibi va jang sanasi malum qilindi

Katta ehtimol bilan uning raqibi SHon Striklend - Drikus Dyu Plessi chempionlik jangi g'olibi bo'ladi. Bu malumotni o'rta va yarimog'ir vazn toifalarida sobiq UFC chempioni CHel Sonnen tasdiqlamoqda.

"Striklend - Dyu Plessi jangining ertaroq o'tkazilishiga asosiy sabab ham aslida shu. Ushbu jang g'olibi Izzi bilan UFC 300 turnirida to'qnash keladi. To'g'ri, bu hali tasdiqlanmagan xabar. Lekin menga etib kelgan malumotlarga qaraganda, voqealar rivoji aynan men aytgandek bo'ladi. Balki Adesanyaning o'zi tez orada "Ikkingizdan biringizni aprel oyida kutaman" deb qolar", - dedi "Amerikalik gangster" o'zining navbatdagi podkast efirida. 

Eslatib o'tamiz, Israel Adesanya shu yilning sentyabr oyida SHon Striklendga yutqazib, kamarini boy bergandi. SHundan keyin u malum muddat tanaffus olishini elon qilgan edi. Striklend - Dyu Plessi jangi 20 yanvar kuni Kanadaning Toronto shahrida o'tkaziladigan UFC 297 turnirining asosiy to'qnashuvi bo'ladi. UFC 300 turniri esa 13 aprel kuni AQSHning Las-Vegas shahrida tashkil etiladi.