Isroil Madrimov: Golovkin yoshi o'tib qolganiga qaramay, ancha epchil

Professional bokschimiz Isroil Madrimov dam olish kuni bo'lib o'tadigan Kanelo-GGG trilogiyasi haqida gapirdi.

«To'g'risi, o'zim Golovkinni yoqtiraman. Lekin bu jangda Kaneloda imkoniyat ko'proq. Birinchi navbatda, u yosh, bu uning mazkur to'qnashuvdagi eng katta ustunligi. Saul 32 yosh bo'lsa, Gennadiy 41 yosh. Yoshi ancha o'tib qoldi. SHunga qaramay, ancha epchil, mashg'ulotlari ham yaxshi. 

Bu bahsda Alvaresning imkoniyatini yuqori baholagan holda, Golovkinga muxlislik qilaman», - dedi Madrimov.