Isroil Madrimov ishtirokidagi jang Toshkentda o'tkazilishi mumkin

Reja bo'yicha Isroil «The Dream» Madrimov dekabr oyida franciyalik Mishel Soroga qarshi ringga ko'tariladi. Ushbu jang g'olibi WBA chempionlik jangida ringga chiqish uchun rasmiy davogarga aylanadi. 

Bizga malum bo'lishicha, Madrimov - Soro jangi Toshkentda o'tkazilishi ham mumkin ekan. 

"Ha, ayni paytda jamoam jangni Toshkentda o'tkazish bo'yicha muzokaralarni boshlagan. Tez kunda yangilik bo'lib qoladi", - deydi saytimizga bergan kichik intervyusida Madrimov.

Avval xabar berganimizdek, "Mir Boksa" kompaniyasi "Matchroom Boxing" bilan hamkorlikda ushbu jangni 11 dekabr kuni AQSHda (Las-Vegas yo Klivlend) yoki Toshkentda (O'zbekiston) o'tkazishni rejalashtirgan.

Aukcion g'olibi tomonidan taqdim etilgan mukofot jamg'armasi 245 ming dollarni tashkil etgan. Reytingning birinchi raqamli bokschisi Mishel Soro mukofot pulining 60 foizi - 147 ming dollar, reytingning ikkinchi raqamli bokschisi Isroil Madrimov esa 40 foiz - 98 ming dollarga ega bo'ladi.