17 okt 11:03
Yangiliklar
![](/upload/storage/46935_220.jpg)
Isroil Madrimov qaysi promouterlik kompaniyasi bilan shartnoma imzolaydi?
Havaskor boksda o'z saltosi bilan mashhur bo'lgan Madrimov Amerika zaminida mashg'ulotlarni o'tkazmoqda. U ijtimoiy tarmoqdagi sahifasida murabbiy To'lqin Qilichev bilan birga AQSH ringlarini ham zabt etmoqchimiz, deya izoh qoldirgan.
Biz bugun Isroil bilan bog'lanib, undan yaqin kundagi rejalari xususida so'raganimizda, quyidagicha javob oldik:
"Mana bir necha haftadirki, AQSHda o'quv-mashg'ulot yig'ini o'tkazayapmiz. Parallel ravishda bir qator promouterlik kompaniyalari bilan muzokara ham olib borilmoqda. Ular orasida Rossiyaning "Mir Boksa" promouterlik kompaniyasi bilan shartnoma imzolashimiz haqiqatga yaqin bo'lib turibdi. Hozircha hech narsa aniq emas. Tez orada bu haqda saytingiz orqali xabar beramiz. Bir narsa aniqki, Amerikada mashg'ulot o'tkazish, boks bilan shug'ullanish uchun ideal sharoitlar muhayyo qilingan", - dedi Madrimov.
Fikrlar