Italiya ot sporti federaciya bilan hamkorlik yangi bosqichga chiqmoqda

Ot sporti olamidagi yirik tadbirda Bahromjon Gaziev boshchiligidagi O'zbekiston yilqichilik va ot sporti federaciyasi mutasaddilari ham qatnashishyapti.

126 yildan beri tashkil etilayotgan mazkur ko'rgazma milliy federaciyalar o'rtasidagi o'zaro aloqalarini mustahkamlash, sohada erishilayotgan yangi yutuqlar yuzasidan tajriba almashish imkonini beradi. SHu bois ushbu tadbir rivojlanishning yangi darajasiga olib chiqadigan muhim platforma bo'lib xizmat qiladi.

Bahromjon Gaziev safar davomida Italiya ot sporti federaciyasi prezidenti Marko di Paolo hamda Bosh kotib Simone Perillo bilan rasmiy uchrashuv o'tkazdi. Unda o'zaro hamkorlik aloqalarini yanada mustahkamlash, musobaqalar tashkil etish, zotdor otlarni ko'paytirish borasida tajriba almashish kabi masalalar yuzasidan fikr almashildi.

Ko'rgazma davomida O'zbekiston burchagi ham tashkil etilib, unda tashrif buyuruvchilar mamlakatimizda ot sporti rivojiga oid malumotlar bilan tanishish barobarida, yurtimiz mezbonlik qilayotgan xalqaro musobaqalardan lavhalarni tomosha qilish imkoniyatiga ham ega bo'lishdi.