Italiyada bugun 4 nafar vakilimiz keyingi bosqich yo'llanmasi uchun ringga ko'tariladi

O'zining so'ngi pallasiga tobora yaqinlashib borayotgan musobaqaning vakillarimiz ishtirokidagi birinchi jangi, -50 kg vaznda Sabina Boboqulova va irlandiyalik Daina Moorehouse o'rtasida bo'lib o'tadi.

Ikkinchi bahsda esa -80 kg vazndagi bokschimiz  To'rabek Habibullaev, chorak final ostonasida franciyalik Yojerlin Sesar bilan bahs olib boradi.

-57 kg vaznda jang qilayotgan vakilamiz Sitora Turdibekovaning bu safargi raqibi polshalik Julia Szeremeta bo'ladi. Sitora ushbu bosqichdan g'alaba bilan o'tadigan bo'lsa, licenziya uchun yana bitta jang qoladi. 

-71 kg vaznda Olimpiyada o'yinlari yo'llanmasi uchun bahs olib borayotgan bokschimiz Asadxo'ja Mo'ydinxo'jaev, bugun o'zining navbatdagi jangini o'tkazadi. Bu galgi raqib kolumbiyalik Alexander Rangel.