10 apr 13:27
Yangiliklar

Tennis

Jaber - Charleston Open chempioni!

Tunislik Ons Jaber AQSHning CHarlston shahrida yakuniga etgan WTA turniri g'olibasiga aylandi.

Ushbu chempionlik sabab WTA reytingida 5-pog'onadan 4-o'ringa ko'tarilib olgan Ons hal qiluvchi final uchrashuvida dunyoning 11-raketkasi, shveycariyalik Belinda Benchichni 7/6(6), 6/4 hisoblarida mag'lub etdi.

Ikki soatu 1 daqiqa davom etgan bahsda Jaber 9 ta eys, 4 ta qo'shxato va 4 ta breyk qayd etdi. Tennischilarning o'zaro uchrashuvlarida Ons hisobda oldinga o'tib oldi - 3:2.

SHu tariqa, tunislik 28 yoshli tennischi mavsumdagi birinchi, faoliyatidagi to'rtinchi sovrinini qo'lga kiritdi. SHuningdek, u aynan o'tgan yilgi CHarlston turniri finalidagi mag'lubiyat uchun ham revansh oldi. Ons Credit One Charleston Open turniridagi ishtirokidan 470 reyting ochkosi hamda 120,150 AQSH dollari miqdorida mukofot puli ishlab oldi.