Jahon chempionati. Dzyudochilarimiz ishtiroklarini yakunlashdi, endi navbat jamoviy bahslarga!

Afsuski, bugungi bahslarda ishtirok etgan O'zbekiston yoshlar terma jamoasining to'rt nafar azosi uchun jahon chempionati muddatidan avval yakunlandi. 

-100 kg vazn toifasida yurtimiz sharafini himoya qilgan Akrom Bo'ronov ilk davrada vengriyalik Jombor Vegga, +100 kg vazndagi dzyudochimiz SHohrux Mamarasulov jazoirlik Abdulqodir Xichem Xachedga imkoniyatni boy berdi. +100 kg vazndagi ikkinchi polvonimiz SHohrux Baxtiyorov franciyalk Tieman Diabini mag'lub etdi, lekin ikkinchi bosqichda germaniyalik Erik Abramovga yutqazdi. 

-78 kg vazn toifasidagi vakilamiz Mohinisaxon Husanova birinchi davrada AQSH sportchisi Nataliya Stanoevichdan ustun keldi. Ammo, ikkinchi bosqichda avstraliyalik Abigeyl Paduchga yutqazib, jahon chempionati bilan xayrlashdi. 

SHu tariqa, jahon chempionatidagi eng yaxshi natijamiz 5-o'rin bo'ldi. -66 kg vazn toifasida yurtimiz sharafini himoya qilgan Dilshodbek Yo'ldoshev kuchli beshlikka kirishga muvaffaq bo'ldi. U bronza medali uchun kechgan bellashuvda braziliyalik Marselinoga yutqazib qo'ygan edi. Endi dzyudochilarimiz jamoaviy bahslarda ishtirok etishadi.