Jahon chempionati qahramonlari pul mukofoti bilan taqdirlandi + FOTOGALEREYA

Bir piyola choy ustida tashkil etilgan tadbirda O'zbekiston dzyudo federaciyasi raisi Azizjon Kamilov ishtirok etib, murabbiylar, dzyudochilar va delegaciyamizning boshqa barcha azolarini jahon chempionatidagi muvaffaqiyatli ishtirok bilan qutladi. Federaciya rahbari bu musobaqa tarixga aylangani, bir haftadan keyin dzyudochilarimizni Indoneziya davlati mezbonlik qiladigan Osiyo chempionati kutib turgani, ushbu qita birinchiligida ham munosib tarzda qatnashish kerakligini urg'uladi. 

Murabbiylar nomidan so'zga chiqqan SHarofiddin Lutfullaev qo'lga kiritilayotgan bu g'alabalar davlatimiz rahbari tomonidan qaratilayotgan etibor samarasi ekanini takidladi. Xalqaro o'quv-mashg'ulot yig'inlarini tashkil etib berayotgani, nufuzli musobaqalardagi ishtirokimiz taminlanayotgani uchun minnatdorlik bildirdi.        

Malumot uchun, O'zbekiston kadetlar terma jamoasi tarixda ilk bor jahon chempionatining yakkalik bahslarida 5 ta oltin, 2 ta bronza medali bilan umumjamoa hisobida birinchi o'rinni egalladi. Aralash jamoaviy bellashuvlarda esa kumush medallarga sazovor bo'ldik.