31 avg 18:31
Yangiliklar

Dzyudo

Jahon chempionati qahramonlari tantanali kutib olindi FOTOREPORTAJ

Xabaringiz bor, O'zbekiston o'smirlar terma jamoasi Bosniya va Gercegoviniyaning Saraevo shahri mezbonligida o'tgan kadetlar o'rtasidagi jahon chempionatida muvaffaqiyatli tarzda ishtirok etgandi.

Tohir Fayziev murabbiyligidagi o'smirlarimiz dunyo birinchiligida 1 ta oltin, 4 ta kumush, 3 ta bronza medali bilan umumjamoa hisobida dunyoning 60 davlati orasida 4-o'rinni egallagandi. Jamaoviy mikst bahslarida esa ilk bor bronza medali qo'lga kiritilgan edi.

Jahon chempionati g'olib va sovrindorlari:

Oltin medal

-70 kg: Barchinoy Qodirova

Kumush medallari

-52 kg: So'g'diyona Rafkatova

-66 kg: SHohjahon Otaboev

-81 kg: Alisher Samanov

-90 kg: Abbos SHermahmatov

Bronza medallari

-44 kg: Umidaxon Burxonjonova

-63 kg: Xurshida Razzoqberdieva

-73 kg: Samariddin Muhibiddinov

Biroz avval terma jamoamiz delegaciyasi Saraevodan yurtimizga qaytib keldi. Islom Karimov nomidagi Toshkent xalqaro aeroportida jahon chempionati qahramonlarini Sportni rivojlantirish vazirligi, Milliy olimpiya qo'mitasi, mamlakat dzyudo federaciyasi mutasaddilari, dzyudochilarning oila azolari hamda ommaviy axborot vositalari xodimlari qarshi olishdi.