Jahon chempionatining beshinchi kuni uch dzyudochimizga muxlislik qilamiz, bugun medal bo'lishi kerak

Bugun ayollar o'rtasida -70, erkaklarda esa -90 kg vazn toifasida bellashuvlar tashkil etiladi. -90 kg vaznda yurtimiz sharafini himoya qiluvchi Nurbek Murtozoev va SHahzodxo'ja SHaripov yaqinda Tailandda o'tgan Osiyo chempionatining finalida o'zaro to'qnash kelishgandi va o'shanda SHaripov g'alaba qozongandi. 

Bundan tashqari, 20 yoshli SHahzodxo'ja shu yil mart oyida Toshkent "Katta Dubulg'a" turnirida ham chempion bo'lgan edi. Jahon chempionatining ortda qolgan to'rt kuni natijalariga ko'ra O'zbekiston terma jamoasi hali medal qo'lga kiritgani yo'q. Eng yaxshi natijamiz hozircha 5-o'rin bo'lib turibdi. SHukurjon Aminova va Arslonbek Tojiev bronza medali uchun kechgan bellashuvlarda raqiblariga yutqazib qo'yishgan edi.

Bugun kurashadigan dzyudochilarimiz: 

-70 kg: Xurshida Razzoqberdieva – Liao YU-Jung (Xitoy Taypeyi)

-90 kg: Nurbek Murtozoev – Remi Feuillet (Mavriki)

-90 kg: SHahzodxo'ja SHaripov – Kornelius Eytertsen (Norvegiya)

Malumot uchun, bugungi saralash dasturi ham bizning vaqt bilan soat 14:00da boshlanadi.