Jahon chempionatining uchinchi kuni 2 ta medal qo'lga kiritdik, bittasi oltin!

Quvonarlisi, biroz avval yakuniga etgan uchinchi kungi bellashuvlarda terma jamoamiz azolari 1 ta oltin, 1 ta bronza medalini qo'lga kiritishdi. Bu bilan terma jamoamizning umumiy medallari 6 taga etdi - 4 tasi oltin! 

-73 kg vazndagi dzyudochimiz Sadulla Ravshanov bronza medali uchun kechgan murosasiz bellashuvning so'nggi soniyasida ippon bahosi evaziga g'alabani o'z tomoniga og'dirib oldi. Bunga qadar u yuko bahosi bilan qozog'istonlik raqibi Mirzatay Kidirbayga yutqazayotgan edi.

-81 kg vazn toifasida yurtimiz sharafini himoya qilgan istedodli dzyudochimiz Inomjon Bahodirov final bellashuvida gruziyalik Evropa chempioni, jahon reytingining 4-pog'onasida borayotgan Giorgi Mumladzeni ippon bahosi evaziga mag'lubiyatga uchratdi. 

Inomjon o'tgan yili Peruda o'tgan jahon chempionatidagi bronza medalini oltinga aylantirdi. U jahon reytingida 15-o'rinni egallab turibdi.