Jahongir Rasulov Avstraliyada ringga ko'tarildi va raqibini muddatidan avval mag'lub etdi + VIDEO

Yarimo'rta vazn toifasida o'zbekistonlik professional boks ustasi, 26 yoshli Jahongir Rasulov faoliyatidagi oltinchi jangini o'tkazdi.

U bugun Avstraliyaning Melburn shahrida joylashgan Kilda Town Hall arenasida tashkillashtirilgan boks oqshomining markaziy jangida ringga ko'tarildi. Hamyurtimizga filippinlik Jan Rik Karsedo raqibliq qildi. 8 raund etib belgilangan jang ikkinchi raunddayoq yakunlandi, quvonarlisi, hamyurtimiz raqibiga ketma-ket zarbalar yo'llab, nokautga uchratdi va o'zining oltinchi g'alabasini qo'lga kiritdi.