"Jahonning eng kuchli jangchisi bo'lmoqchiman". SHahram G'iyosov jahonning nufuzli boks saytiga intervyu berdi

Ushbu intervyuning etiborga molik qismlarini tarjima qilgan holda etiboringizga havola qilamiz. 

Barcha qaytib ketdi, buxorolik G'iyosov qoldi

Bu vaqt oralig'ida barcha ketdi, men esa o'zim qoldim. Bu erda faqat bir o'zim qolgandim. Aslida, buning katta ahamiyati yo'q. CHunki men professionalman va o'z maqsadim sari intilmoqdaman. Bu erda qolib, o'zimni yanada kuchli his qildim. Kitoblar o'qidim, ingliz tilini o'rgandim. Joel Diasning mashg'ulot zalida boshqa mamlakatlardan ham yigitlar bor edi, shuning uchun men o'zimni yolg'iz his qilmadim.

Oilasidan uzoqligi haqida

So'nggi 15 yilda oilamsiz yashayman. Xitoydan tortib Kubagacha bo'lgan mamlakatlarda. Doimo mashg'ulotlarda bo'laman. Bu men uchun xech qanday yangilik bo'lgani yo'q. Oilamni yaxshi ko'raman, ularni sog'inaman. Lekin asosiy maqsadimga erishib, chempion bo'lmagunimcha, boshqa tomonga og'ib ketishni istamayman. Bu mening, bizning orzuimiz. Agar men o'z maqsadimga erishsam, ularga ham yaxshi bo'ladi. 

Navbatdagi jang haqida

Men jang bo'lmasa ham mashg'ulotlar o'tkazdim va formamni ushlab turdim. Mashg'ulotlarda maksimal ravishda katta kuch bilan ishlayman. Olti oydan beri shu erdaman va jangga to'rt hafta qolganida bu haqida xabar topdim. Men ruhiy tomonlama tayyorman. SHunchaki tanamni qiyin jangga tayyorlab bormoqdaman. 

Men barchani ortda qoldira olaman deydiganlardan emasman. Ortimda kuchli jamoa va ikkita yaxshi murabbiy turibdi. Kurashishdan qochmayman. Agar jamoamdagilar bugun kechqurun chempionlik jangi bo'lishi haqida aytishsa, men jang qilishga tayyorman. Jamoamdagilar chempionlik jangi bo'lishi haqida aytishdi, bundan xursandman. 

Eng kuchli jangchi bo'lishni istayman

Ishonch-etiqodga ko'p narsa bog'liq. Men taqvodor musulmon insonman. O'zimga, oilamga, mamlakatim va prezidentimga ishonaman. Meni qo'llab-quvvatlashmoqda. SHubhasiz, men jahonning eng kuchli jangchisi bo'lishni istayman. Bundan boshqa maqsadim yo'q.