“Jangoh”da kikboksing bo'yicha janglar bo'lib o'tdi

“Kamolot” yoshlar ijtimoiy harakati hamda O'zbekiston kikboksing federaciyasi hamkorligida tashkil etilgan musobaqada respublikamizning barcha viloyatlaridan kelgan 400 nafarga yaqin sportchi ishtirok etdi.

Takidlash joizki, mazkur chempionat joriy yilning 1-9 avgust kunlari Hindistonning Nyu-Deli shahrida o'tkaziladigan Osiyo chempionatiga o'ziga xos tayyorgarlik va saralash vazifasini o'tab berdi.

“O'zbekiston chempionati har qachongidan ham qiziqarli bo'lib o'tdi. Medallar uchun kurash juda keskin ruhda bo'ldi. Viloyatlarda kikboksing yangi bosqichga chiqib borayotgani yaqqol ko'zga tashlandi. Terma jamoaga yangi nomzodlarni o'zimiz uchun aniqlab oldik. O'z vazn toifalarida g'olib chiqqan sportchilar endi Hindistonda o'tkaziladigan Osiyo chempionatiga tayyorgarlik ko'rishadi”, ‑ dedi O'zbekiston kikboksing federaciyasi raisi SHerzod Tursunoxunov.

Endi bevosita natijalarga to'xtaladigan bo'lsak, lou-kik va ful-kontakt yo'nalishari bo'yicha o'tkazilgan bahslar ancha qiziqarli va murosasiz kechdi. Ikki kunlik natijalarga ko'ra, jamoalar o'rtasida Toshkent shahri, Qoraqalpog'iston Respublikasi va Andijon viloyati jamolari yuqori natijlarni qayd etishdi. Musobaqa yakunida g'olib va sovrindorlar homiy va tashkilotchilarning esdalik sovg'alari va medallari bilan taqdirlandi.