28 apr 10:22
Yangiliklar

Dzyudo

"Jar"da "Osiyo bolalari" xalqaro festivaliga respublika saralash musobaqasi boshlandi

SHu yilning 27 iyul - 8 avgust kunlari Rossiyaning Vladivostok shahrida "Osiyo bolalari" xalqaro festivali bo'lib o'tadi.

Ushbu kompleks musobaqada dunyoning 26 davlatidan 1650 nafar atlet 19 ta sport turi bo'yicha 275 ta medallar jamlanmasi uchun bahs olib boradi.

Festival dasturidan dzyudo sport turi ham o'rin olgan bo'lib, unda O'zbekiston terma jamoasining ishtirok etishi rejalashtirilgan. Biroz avval poytaxtimizdagi "Jar" sport majmuasida "Osiyo bolalari" festivaliga saralash vazifasini o'tab beruvchi respublika turniri start oldi.

Musobaqada Qoraqalpog'iston Respublikasi, barcha viloyatlar hamda Toshkent shahridan 2006-2007 yillarda tavallud topgan jami 600 nafarga yaqin dzyudochilar tatamiga chiqyapti. O'z vazn toifalarida g'olib bo'lgan dzyudochilar "Osiyo o'yinlari" festivalida yurtimiz sharafini himoya qilish huqukini qo'lga kiritishadi.