Jasur Mirzamuhammedov doping sababli ONE FC'dan ketdimi?

- Jasur Mirzamuhammedov bo'yicha ham yangiliklar bormi?

- Jasur Mirzamuhammedov borasida tez orada yangilik bo'lishi kerak. Hozir MMA Series ligasi bilan gaplashyapmiz. Rossiyaning shu ligasida bir-ikkita jang qilib, yana Bellator yoki ONE FC'ga o'xshagan nufuzli ligalar bilan shartnoma tuzamiz. Rejamiz shu. Bu yil Jasur bilan ikkita jang o'tkazib, yana kattaroq liga bilan shartnoma tuzishni maqsad qilganmiz. ONE Championship'dagi shartnomamiz hozir to'xtagan. Sababi, mag'lubiyatdan keyin liga kelishuvni to'xtatdi.

- Bitta mag'lubiyatdan keyin liga Jasur Mirzamuhammedovga boshqa imkon berishni istamadimi?

- Yo'q. Endi nima desa bo'ladi, zerikarli jang ko'rsatgani uchunmi yoki nimadir minus bo'lgani uchunmi, bilmadim. Ularning o'zi doping chiqdi deb aytishdi. Jangdan keyin doping uchun test topshirgan ekan, tahlili ijobiy chiqibdi. SHartnomani vaqtinchalik to'xtatamiz, keyin yana qabul qilamiz deyishdi.

Eslatib o'tamiz, Jasur Mirzamuhammedov ONE FC ligasida ikkita jang o'tkazib, bitta g'alaba hamda bitta mag'lubiyat qayd etgan edi.