Jasurbek Ortiqboev Gran Prix Zagreb Open chempioni, Feruzda kumush, Ilhomda bronza, navbat Islomga!

Dunyoning o'ttizga yaqin davlatidan yunon-rum kurashi ustalari ishtirok etayotgan musobaqada yurtimiz sport sharafini Ravshan Ro'ziqulov murabbiyligidagi polvonlarimiz himoya qilishyapti. Hozirgacha bir nechta vazn toifalarida g'olib va sovrindorlar nomi malum bo'lib ulgurdi.

Quvonarlisi, -55 kg vaznda yurtimiz sharafini himoya qilgan Jasurbek Ortiqboev barcha raqiblarini engib, Zagreb Gran-Pri turniri chempioniga aylandi. U oltin medal uchun kechgan bellashuvda germaniyalik Fabian SHmittdan 9-0 hisobida ustun keldi. SHu vazndagi yana bir kurashchimiz Ilhom Bahromov esa italiyalik Jiovanni Frenini engib, kumush medalga ega chiqdi. Gap shundaki, bu vaznda ishtirokchilar soni kam bo'lgani bois, bellashuvlar aylana tizimda o'tkazildi.

-60 kg vazndagi Feruz To'xtaev bronza medali uchun kechgan bahsda polshalik Micha Trashni mag'lub etishga muvaffaq bo'ldi. Taxminan bir yarim soatlardan so'ng  Islomjon Bahromov ushbu vazn chempionligi uchun turkiyalik Axmet Uyarga qarshi gilamga chiqadi. 

O'tish bellashuvida italiyalik Franchesko Bellinodan 8-0 hisobida ustun kelgan Mirzobek Rahmatov (-67 kg) bronza medali uchun kechgan uchrashuvda afsuski, moldovalik Doniyor Islamovga yutqazib qo'ydi. Aram Vardanyan (-72 kg) esa bronza medali uchun bo'lib o'tgan bahsda bir ochko (8-9) farqi bilan finlyandiyalik Mikko Peltokangasdan engildi. 

Demak, hozircha O'zbekiston terma jamoasi hisobida 1 tadan oltin, kumush va bronza medallari bor. Birozdan so'ng finalda gilamga chiqadigan Osiyo chempioni Islomjon Bahromovga omad va g'alaba yor bo'lishini tilaymiz.